Наставниците ја спроведуваат наставната програма согласно своите епистемиолошки и идеолошки уверувања поврзани со учењето. Оттука, важно е какви уверувања имаат наставниците во однос на целите на граѓанското образование. Потребите на учениците и училишниот контекст се клучни при изборот на целните теми и тие ја одразуваат севкупната улога на поединецот во општество со конкретни културни вредности. Преку заедницата на практика, едукаторите ги споделуваат проблемите на дадена тема и ги продлабочуваат своите знаења и стручност во таа област преку постојана интеракција.

За да се реализираат глобалните промени и меѓународните цели, актуелните наставни програми за граѓанско образование треба да се ревидираат. Со државниот закон 92/2019 се направи обид за редефинирање на предметот преку промовирање негова меѓудисциплинарна и заедничка евалуација. Оттука, авторите и нивните колеги од градинките и од основните и средните училишта од истиот институт посветија 25 часа на формулирање и координирање планови за час фокусирајќи се на пет главни области во граѓанското образование, имено 1) игра и правила, 2) средина, 3) дигитален идентитет, 4) приврзаност, и 5) инклузија. Избраната методологија може грубо да се дефинира како акциско истражување.

Иако работеа самостојно, различните групи сепак успеаја да ги следат истите упатства и на крај дојдоа до истите прашања. Првиот добиен исход е комплет практични планови за час кои служат како водилка за учениците на возраст од 3-14 години и кои ги водат низ петте столба на граѓанското образование и доследно во рамки на сите дисциплини. Помислата дека ја споделуваат истата задача создаде одредена тензија поради перципираната тежина на таквата задача, меѓутоа, комбинацијата на стручност и тимска работа резултираше со еден впечатлив процес на стекнување одговорност и иновација.

Клучни зборови: граѓанско образование; заедница на практика; стручност на наставниците; обука на наставници на работното место.

Автори: Lucia Bombieri, Stefania Solazzo & Alessandra Trevisan

Преземете го целиот напис (PDF)

Овој труд беше испратен на конкурсот организиран во 2022 година и беше рецензиран од надворешни рецензенти. Видете ги овде сите статии избрани во рамки на истиот конкурс.