Во книгата се истакнува неверојатниот пат што го изоде Италија во рамки на Европската иницијатива за иницијално образование на наставници (ITE) и се нагласува водечката улога на заедницата на еТвининг во промовирањето иновација во образованието.

Уредена од Националната организација за поддршка на еТвининг на Италија, публикацијата е резултат на соработката со истражувачи од INDIRE, од Универзитетот на Фиренца и од сите универзитети од земјата коишто учествуваа во иницијативата.

Таа нуди детален преглед на националниот контекст на иницијалното образование на наставници преку еТвининг каде Италија се истакнува како една од најактивните земји, со над 100.000 вклучени наставници, како и константно зголемување на бројот на универзитети коишто учествуваат, при што се постигна бројка од над 25 (од околу 250 на европско ниво).

Публикацијата служи како драгоцен водич за издвојување на најодржливите и ефективни методи за спроведување обуки на наставниците на долг рок, преку образовен пристап којшто ги користи придобивките од европската рамка и којшто се збогатува од универзитетите кои одлучуваат да го усвојат.

Публикацијата е поделена на два дела: првиот дел го разработува ITE на еТвининг во Италија и ги опфаќа неговото потекло и развој (Поглавје 1), придонесот од страна на италијанските универзитети (Поглавје 2) и резултатите од истражувањата за практиките и организациските модели (Поглавје 3). Во вториот дел фокусот се пренесува кон поширокиот контекст на Европското ITE, вклучувајќи сведоштва од пет еТвининг земји.

Погледнете ја најавната статија на INDIRE и преземете ја публикацијата.