Wilhem Vukovich hjá framkvæmdastjórn Evrópusambandsins opnaði ráðstefnuna formlega.

Emmanuel Sigalas og David Crosier, stefnugreiningarfræðingar hjá evrópsku mennta- og menningarmálastofnuninni, fóru með fyrstu ræðuna. Ræðumennirnir ræddu ójöfnuð í skólum og æðri menntun á menntakerfisstigi og útskýrðu að jöfnuð í skólum þurfi að ræða á stefnumótunarstigi. Eftir að hafa farið í gegnum gögn frá nokkrum Evrópulöndum um jöfnunaraðgerðir gáfu Sigalas og Crosier kennurum áþreifanlegar hugmyndir um hvernig þeir gætu hugsað um að taka á jöfnuði í kennslustofunni.

Eftir fyrstu ræðuna var komið að einum hápunkti ráðstefnunnar: kynningu á kennaramenntastofnun ársins. Sigurvegari eTwinning kennaramenntastofnunar ársins var háskólinn við Flórens. Eftir viðtöku verðlaunanna gáfu kennaraleiðbeinendur kynningu á verkefnum sínum og innleiðingu þeirra í námskrána.

Upphaf annars dags ráðstefnunnar var í höndum Alexöndru Mihai, lektors í nýsköpun við æðri menntastofnun við háskólann í Maastricht. Ræða hennar, Imagining post-pandemic learning experiences, eða „Að upphugsa námsupplifun eftir heimsfaraldur“, fjallaði um hvernig við getum tekið það jákvæða sem við lærðum í heimsfaraldrinum og samþætt það við námsframboð í framtíðinni. Mihai hvatti hlustendur til að endurhugsa og betrumbæta námshönnunaraðferðir sínar til að skapa ríkulegt og inngilt námsumhverfi.

Eftir fimm vinnustofur sem fjölluðu um allt frá grunnmenntun kennara fyrir byrjendur til fjarnáms í æðri menntun, hlustuðu þátttakendur á ræðu Juliu Garcia, háskólastúdents. Kynning hennar einblíndi á UT í stafrænni umbreytingu menntunar í skólum á Suður-Spáni. Garcia undirstrikaði markmið og rannsóknaraðferðafræðina og kynnti síðan niðurstöðurnar: að skólar treysta á UT-umsjónaraðila til að vera í forystu, en hins vegar skiptu kennarar sköpum við innleiðingu stafrænnar stefnu.

Þriðji dagur ráðstefnunnar hófst með annarri vinnustofulotu með viðfangsefni eins og verkefnabyggt nám og kraft inngildingar. Lokaverkefni ráðstefnunnar var veggspjaldasýning þar sem verðlaunahafar 2. verðlaunanna kynntu vinnu skóla sinna. Kennarar við grunnmenntun kennara frá Austurríki, Króatíu, Finnlandi, Slóvakíu, Þýskalandi, Póllandi og Frakklandi fjölluðu um innleiðingu verkefna sinna í námskrár, framkvæmd og framtíðaráætlanir.