Истакната група за темата на еТвининг за 2022 година „Нашата иднина, убава, одржлива, заедничка: училиштата и Новиот европски Баухаус“
По активностите за нетикеција и за кршење на мразот, целта на групата да понуди инспирација и поддршка беше исполнета на тој начин што еТвинерите беа поканети да учествуваат на саеми за пронаоѓање партнери, да се покажат и да ги претстават своите проектни идеи, како и да учествуваат во интерактивни вебинари и активности со предизвици. На пример, работење заеднички на нацрт-верзии од проектни апликации со новонајдени партнери од Албанија и од Јордан (Нишка на форумот: заедно правиме разлика) или осврнување и делување во однос на прашањата поврзани со одржливоста во нивните училишта (активности во рамки на форум за оставање во завет).
За членовите на групата да се инспирираат и да се мотивираат, беше собрана и изработена практична содржина, којашто може лесно да се адаптира и да се користи на час, и таа беше поделена во четири категории (учење, подучување, вести и активности) во склоп на минимодули во просторот на групата. Ова овозможи еТвинерите да имаат практично и визуелно привлечно доживување.
Покрај содржината, групата се фокусираше и на интерактивни активности и настани кои ги мотивираат наставниците да навлезат во годишните поттеми за одржливост, инклузија, естетика и технологија, да бидат креативни со учениците и/или со колегите, да презентираат идеи, да водат интеракција едни со други и да осмислуваат еТвининг проекти.
Да се потсетиме на некои од нив:
Галерија од еТвининг училиште од соништата како дел од Пролетната кампања на еТвининг за 2022 година во мај.
Саеми за наоѓање партнери: „Matchmaking“ (4 октомври), „Share, compare and join“ (17 октомври).
Интерактивни вебинари (кликнете на насловите за да ги изгледате снимките): СТЕМ низ просторите за комбинирано учење (7 октомври) и Одржливи простори за учење и училишни дворови како „свежи острови“(12 октомври) во текот на кампањата за неделите на еТвининг за 2022 година.
Три инспиративни вебинари за простори за учење со пет експерти и двајца модератори на истакнати групи на еТвининг.
Одржливи простори за учење: од теорија до практика на 16 јуни, Виртуелни простори за соработка на 17 јуни, и Кодизајнирање: Слушање на гласот на учениците за инклузивни средини за комбинирано учење на 16 ноември.
И покрај техничките проблеми, групата успеа да им обезбеди на членовите информации за нови активности, можности за професионален развој, ресурси и настани преку приватни пораки и редовни објави на социјалните медиуми. Известувања можеа да се најдат во Групата на Facebook и на сметката на Twitter пред и по онлајн настаните и активностите во склоп на групата.
Би сакале да им се заблагодариме на сите еТвинери кои дадоа свој придонес во активностите и настаните на групата преку давање идеи, поставување прашања, меѓусебно коментирање за сработеното и осмислување активности на форумите или во рамки на вебинарите.
Ви благодариме што се приклучивте! Ви благодариме што ни дадовте инспирација!
Наталија Цици
Модераторка на Истакната група на еТвининг
Additional information
-
Education type:School Education
-
Target audience:Head Teacher / PrincipalTeacher