Истражувањата покажуваат поврзаност меѓу предвременото напуштање на образованието и антисоцијалното однесување. Една од целите во Кунгелв беше да се обезбеди дека учениците ќе го завршат задолжителното образование и ќе продолжат во вишо средно образование.

Со мапирање на локалните социјални структури и на односите меѓу нив со цел идентификување на проблематичните точки и на младите во ризик, проектот помогна во одвраќање на младите луѓе од антисоцијално однесување преку нивно изложување на попозитивни влијанија. Проектот помогна да се разбијат нацистички организации и организации на бели супремацисти, како и неформални банди во Кунгелв.

Моделот Кунгелв беше пресликан во 20 други шведски града во учебната 2015/2016 година за што беа издвоени 1 милион евра од Министерството за труд, Националната агенција за млади и граѓанско општество и фондациите „Natur & Kultur“ и „Skandia Ideas for Life“.

Моделот беше посочен од страна на ОН како изводлива и соодветна стратегија за справување со екстремната нетрпеливост меѓу младите.

Моментално, веб-страницата на „Tolerance Project“ продолжува да споделува практики од разни иницијативи кои промовираат толерантност.