Menntun sem lykill að sjálfbærri framtíð

Á 5. evrópsku menntaráðstefnunni (2022) deildu þátttakendur í pallborðsumræðum skoðunum sínum á eflingu menntunar til framtíðar. Framtíðin verður í auknum mæli stafræn, sem þýðir að menntun þarf að veita nauðsynlega færni og skoða þau tækifæri og áhættur sem því fylgja. Rannsóknarstofur fyrir tilraunakennt nám, skýjatækni og blandað nám verða hluti af daglegri kennslu og námi. Framtíðin verður einnig manneskjumiðuð, sem gerir þverfræðilega hæfni nauðsynlega. Fjöltyngi og fjölmenning ættu einnig að vera innbyggð í skólakerfi. Þar að auki er menntun lykillinn að því að skapa sjálfbæra framtíð, t.d. með þverfaglegu og fjölhagsmunasamstarfi.

Í átt að almennri og einstaklingsbundinni vellíðan

Learning Compass 2030 frá OECD er lifandi rammi fyrir væntanlega sýn á menntun og gefur til kynna grunnþekkingu, færni, viðhorf og gildi sem þörf verður á árið 2030. Þessi áttaviti byggir á stuðningi við sjálfræði eða meðsjálfræði nemenda og þróun þriggja umbreytandi hæfniþátta: sköpun nýrra gilda (geta einstaklings til nýsköpunar og frumkvöðlaaðgerða), að taka ábyrgð og að leysa úr spennu og vandamálum. Nám fer fram í gegnum endurtekna „Anticipation-Action-Reflection“ (AAR) lotu, sem þýða mætti sem vænting-aðgerð-ígrundun.

10 stefnur sem móta menntun eins og við þekkjum hana

Skýrsla framkvæmdastjórnar Evrópusambandsins (2019) hefur einnig bent á hvernig stafvæðing mun hafa mikil áhrif á menntun (t.d. með gervigreind) sem gerir stafræna færni og læsi nauðsynlega. Skólar þurfa einnig að vera þverfaglegri og opnir fyrir því að bjóða upp á sérsniðnari námsupplifun. Hvað varðar einstaklingsbundnar námsleiðir mun námsupplifun frá unga aldri verða mikilvægari, símenntun verður nauðsynleg og breyting úr skóla í vinnu verður ekki lengur tryggð, sem allt krefst persónulegri atvinnuráðgjafar. 

Fjórar sviðsmyndir fyrir skólagöngu framtíðarinnar

Í annarri skýrslu hefur OECD birt fjórar aðrar sviðsmyndir fyrir skólagöngu. Þessar sviðsmyndir bjóða upp á sjónarhorn til að ígrunda hvert menntun stefnir og hvernig við getum lagað okkur að breytingunum og verið reiðubúin til að takast á við framtíðina.

 Source: Overview: Four OECD Scenarios for the Future of Schooling