Збирка алатки за идентификување и следење училишта и ученици во ризик од предвремено напуштање на образованието (RESL.eu)

Збирката алатки се фокусира на предвременото напуштање на образованието и покажува како податоците кои честопати службено се собираат од страна на училиштето (на пр. административни податоци) може да се користат за идентификување ученици кои се во ризик од напуштање на образованието. Процесот на систематско собирање и анализа на податоци може да помогне да се спречи предвременото напуштање на образованието, како и младите луѓе повторно да се ангажираат околу училиштето на тој начин што ќе добијат соодветна грижа и поддршка.

Исто така, содржи и алатка за оценување наменета за собирање информации за ставовите, верувањата и семејната ситуација на учениците, коишто се релевантни за нивниот училиштен ангажман и образовен успех. Ова е корисна активност со оглед на тоа дека овие фактори не може да се утврдат врз основа на административните податоци со кои училиштето веќе располага.

Збирката алатки обезбедува информации и за други корисни проекти, алатки и ресурси, со цел справување со предвременото напуштање на образованието.

Збирката алатки е наменета за училишниот кадар, вклучително за директорите, наставниците, советниците, асистентите и психолозите, но може да ја користат и други специјалисти од областа на образованието кои се вклучени во образовни политики и алтернативни патеки на учење.

Проектот беше финансиран од Европската комисија (FP7).