Унапредување на наставата и учењето преку вештачка интелигенција

Fabrice Roth, Headmaster

 Училиштето „Lycée des Arts et Métiers“ е старо 128 години,   со многу долга историја,  кое секогаш предничело кога станува збор за технологијата и иновацијата.  И токму затоа, пред околу една година,  започнавме да се насочуваме кон вештачката интелигенција.  Како да ја воведеме во образованието?  И мило ни беше што ја видовме програмата „ВИ за наставници“.  Имаме неколку наставници кои учествуваа во програмата за обука,  и имавме неколку училишни партнери  кои одржаа работилници за време на програмата.  Најважно е да ги подучиме наставниците  да ја откријат вештачката интелигенција  и да одлучат дали и каде би им била корисна.  

Mario Marques Dos Santos, Computer science teacher

По предметите кои јас ги предавам,  моментално спроведуваме  индивидуален проект за учениците за вештачка интелигенција.  Тие разговараа за нивните лични интереси  и сега користат различни форми на ВИ,  не само текст, туку и слики и видеа.  И во иднина, ќе бараат работа  или универзитет, каде ќе можат сето тоа да го применат. 

Benoit Fortemps, TalentHub coordinator

Јас сум координаторот на TalentHub,  којшто претставува иницијатива насочена кон поврзување на  образованието со деловниот свет,  како јавниот, така и приватниот, или дури и со непрофитниот сектор.  Целта на оваа иницијатива е и да се види што се случува во компаниите  и да се идентификуваат нивните потреби и барања  и тие да се опфатат во обуката.  Денес, голем број од компаниите со кои разговаравме  покажаа огромен интерес за вештачката интелигенција и нејзината секојдневна употреба.  И тоа е она што ние се трудиме да промовираме  кога ги едуцираме нашите млади. 

Yoann, student

Во овој оддел, ние ги проучуваме  дизајнирањето и моделирањето на предметите.  И уште време треба да потрошиме на нивно моделирање.  Може да биде многу здодевно.  Треба да се запознаеме со нови алатки,  и пристигнувањето на вештачката интелигенција  во светот на производите многу ни ја олесни работата. Со само неколку клика, може да создадеме нови идеи. 

Gilles Gardula, Art teacher

Мислам дека имаме предност со алатките за ВИ.  Таа ќе ни ги поедностави голем број од задачите,  што ќе ни даде малку повеќе време  да се грижиме за луѓето и да не губиме толку многу време  обидувајќи се да им пренесеме технички вештини  кои е многу тешко да се стекнат.  Ако треба да научат 3D програма,  тоа е многу комплицирано и потребни се долги години за да се совлада.  Ако сега можат да научат побрзо,  тоа ќе ни овозможи да имаме повеќе време за други работи. 

Christian Frantzen, Art teacher

Често ги подучувам моите ученици  како да работат со ChatGPT за да имаат наставник,  односно ментор дома, којшто им овозможува да научат сѐ  што е потребно за нивно ниво и по соодветните предмети.  Нема фиксни прашања.  Нема фиксни параметри, што значи дека ученикот има скала,  односно систем кој функционира како интервју.  Се адаптира на ученикот, на неговата возраст и на предметот.  Само што изработив GPT  кој е истражувач за професионална кариера.  Поставува прашања за возраста и интересите на корисникот правејќи им интервју. Понатаму, нуди различни полиња на активност, коишто ги нарекувам цветови; тоа е игра, игрификација, и корисникот ќе одлучи да посети цвет, поле на активност, кое ќе предложи други активности. Гледа што имаат сработено и каква им е кариерната патека и дава предлози по мерка за соодветни професионални кариери.  Она што најмногу влијаеше врз мене беше нашата Комбинирана платформа, којашто многу ја користам. Моите ученици многу работат на оваа платформа  и таа им овозможува на учениците, кои се многу самостојни,  да работат по свое темпо во текот на курсот, затоа што има упатства и така натаму.  Така што, можам да делувам баш како ментор.

Benoit Fortemps, TalentHub coordinator

 Ги земаме предвид повратните коментари од компаниите и потоа работиме со колегите наставници да видиме како можеме да ги усогласиме потребите на нашите млади луѓе со обуката што им ја нудиме.