Правење на родителите сојузници на училиштата

Разбирање на родителскиот ангажман

Родителскиот ангажман се однесува на активно и директно учество на родителите во образованието и училишната заедница на нивното дете. Ова не се случува автоматски; училиштата мора да негуваат ангажман систематски преку различни стратегии. Родителите можат да имаат значајна улога, вклучувајќи и поддршка во домашните задачи, да бидат важен глас во родителските средби и волонтирањето во училницата.

Резултатите од нашата анкета (2019) покажаа дека 96 % од наставниците веруваат дека вклученоста на родителите има позитивно влијание врз успешноста на учениците; училиштата треба да дадат приоритет на таквиот ангажман.

Зошто е важен родителскиот ангажман?

Родителскиот ангажман има повеќекратни позитивни влијанија врз децата; учеството на родителите ги подобрува академските резултати, самодовербата и ставовите и однесувањата на учениците.

Според студијата на EEF (2018), зголемената комуникација меѓу училиштата и родителите има позитивно влијание. Кога наставниците обезбедуваат информации за наставните програми, домашните задачи и напредокот на учениците, родителите повеќе се вклучуваат; ова вклучување може да доведе до повисоки стапки на завршување на домашните задачи, помалку отсуства и подобри резултати по математика.

Дознајте повеќе во ова видео со д-р Џенет Гудал:

Стратегии и ресурси за училиштата за понатамошно ангажирање на родителите

Овде, можете да најдете некои пристапи за тоа како училиштата можат да активираат учество на родителите, инспирирани од истражувањето на Џојс Епштајн.

Упатување на родителите

Многу родители бараат стручни упатства како да ги поддржат своите деца. Работилниците за информирање на родителите за добрите практики поврзани со благосостојбата или учењето на децата можат да бидат особено корисни. Овде, можете да прочитате неколку совети за организирање работилница за едукација на родители; еден пример е оваа програма за обука за претприемничко учење.

Создавањето одреден простор за родителите на училиште е исто така корисно за размена на идеи и подобрување на односите меѓу родителите и наставниот кадар.

Јасните, но привлечни материјали, како што е инфографиката може да бидат моќни алатки за споделување факти и директни совети за учење на далечина, домашни работа, благосостојба, вредноста на читањето на децата дома итн.

Училиштата исто така може да користат национални или локални ресурси, како оние што се обезбедени од проектот Choose Well во Антверпен (Белгија). Тој нуди совети и упатувања на родителите за различни академски патеки за нивните деца.

Учење дома

Голем дел од учењето на децата се одвива надвор од училиште, главно во нивната домашна средина. Повеќето разлики во постигнувањата меѓу учениците потекнуваат надвор од училиштата и ја нагласуваат улогата на родителите.

Училиштата можат да го поттикнат учењето дома со:

• советување на родителите за фазите на развојот на учењето на децата (на пр., преку работилници или информативни материјали);
• изготвување неформални извештаи или билтени за да им се овозможи на родителите да се поврзат и да го надградат она што е тековно во класот и училиштето;
• обезбедување конкретни совети за тоа како да се поддржи учењето дома: креирање поставен распоред (спиење, јадење, играње), обезбедување одредено време и простор за домашна работа, следење на задачите и проектите, промовирање умерено користење на социјалните мрежи, игрите и ТВ, итн.;
• поттикнување на користење на локални служби како библиотеки, музеи, театри итн.;
• предлагање книги и едукативни онлајн алатки кои родителите можат да ги користат дома за да го продлабочат учењето на нивните деца.

Градење на заедницата и волонтирање

„Потребно е цело село за да се израсне дете“ е моќна поговорка, што значи дека родителите можат да придонесат за образованието на сите деца, а не само на нивните.

Здруженијата на родители претставуваат формални начини преку кои родителите можат да се вклучат. За време на училишните часови, родителите или бабите и дедовците можат да станат „гости предавачи“ во нивната област на експертиза или да придонесат за сесиите за читање на училиште за да се поттикне навиката за читање. Тие исто така можат да преземат волонтерски задачи во училиштата, како што се менторство и водење на интерактивни групи.

Некои училишта нудат и одреден простор за родители. Училиштата, исто така, можат да ги вклучат родителите во патувања и настани, како и активности после училиште: одделенски забави, клубови (уметност, драма, игри, спорт) или филмски вечери.

Донесување одлуки

Покрај организирање на настани за собирање средства, родителите сакааат нивниот глас да биде слушнат, што може да ги поттикне да формираат или да се придружат во здружение на родители. Училиштата можат да го поддржат ова со, на пример:

• спроведување на редовни анкети за собирање на мислењата на родителите;
• покажување почит кон гледиштата и експертизата на родителите, на пр., со одговарање на нивните повратни информации и предлози во билтенот за родители;
• однапред да ги поканите сите родители да присуствуваат на состаноците на училишниот одбор и на другите форуми за управување;
• охрабрување на отворен дијалог, а не само еднонасочна комуникација.

Во суштина, систематското предвидување и земање во предвид на придонесот на родителите во училишните политики природно ќе го зајакне родителскиот ангажман наместо да го изолира.