„Училиште на поддршка“ во Хрватска: промовирање отпорност, инклузија и ментално здравје

Сисачко-мославинската жупанија во Хрватска беше погодена од разорен земјотрес кон крајот на 2020 година, во време кога училиштата веќе беа соочени со нивно затворање и учење на далечина поради пандемијата на КОВИД-19.

Програмата „Училиште на поддршка“ беше изработена во 2021 година како одговор на овие настани, а беше спроведена од УНИЦЕФ заедно со Форумот за слобода на образование со поддршка од хрватската Агенција за образование и обука на наставници.

Програмата има цел да го поддржи менталното здравје и да ги зајакне психо-социјалните и социо-емоционалните компетенции и отпорноста на децата, на младите и на просветните работници. Исто така, се фокусира на создавање безбедна средина во училиштето која нуди поддршка.

До сега, 72 училишта, 317 наставници и други професионалци од областа на образованието и над 11.000 ученици од основно и средно образование имаа придобивки од активностите на програмата. 

Програмата „Училиште на поддршка“ му обезбедува на училишниот кадар 40-часовна програма за обука за ментално здравје, за тоа како да се справат со криза, стрес и траума во училиштето, и како подобро да соработуваат со родителите.

Се изработија разни педагошки материјали (достапни на хрватски јазик), на пример:

• Различни збирки наставни материјали и работни листови за емоционална отпорност и справување со криза,
• Леток за родителите во врска со програмата,
• Академија за училишни лидери за инклузивно управување со училиштето (55-часовна програма за обука).