Подготовување за ПИСА оценување за странски јазици со резултати од студија на случај

Во 2025 година, студијата ПИСА на ОЕЦД ќе вклучува изборно Оценување на странски јазици во соработка и со кофинансирање од страна на Европската Комисија што ќе генерира меѓународни споредливи податоциза владеењето на англискиот јазик кај учениците. Ова е доброволен модул во кој ќе учествуваат 16 земји-членки на ЕУ. Првото издание ќе се фокусира на англискиот јазик, бидејќи е изучуван од над 98% од европската младина во повисоките класови од основните училишта како странски јазик.

За поддршка на анализата на податоците од 2025 година, во 2023 година, ОЕЦД (со кофинансирање на Европската Комисија) спроведе студии на случај истражувајќи како 15-годишниците учат англиски јазик во Финска, Грција, Израел, Холандија и Португалија. Резултатите беа презентирани на вебинар на 20 февруари.  

Заклучоците од извештајот ги вклучија следните согледувања:

• Младите се многу изложени на англискиот јазик – не само на училиште, туку и преку телевизија, компјутери и екрани на мобилни телефони – уште од рана возраст.
• Учениците и едукаторите сметаат дека овој поголем контакт со англискиот јазик има директно и индиректно позитивно влијание врз владеењето на јазикот. Се смета дека го проширува вокабуларот, го поддржува разбирањето и ја зголемува мотивацијата. Сепак, некои наставници предупредуваат дека учениците може да го преценат своето знаење и да ја потценат нивната потреба за учење. Контактот на учениците со англискиот јазик надвор од училиштето не е еднаков поради географските, културните и социо-економските разлики.
• Дигиталните технологии можат да ги направат часовите по англиски попривлечни и да го олеснат управувањето со училницата. Посеопфатните истражувања покажуваат дека вештачката интелигенција (ВИ) би можела да ги поддржи наставниците при одговарањата на индивидуалните потреби и во олеснувањето на соработката помеѓу учениците. Сепак, технологијата сè уште нема трансформативно влијание врз наставата и учењето странски јазици.
• Учениците, наставниците по англиски јазик и раководителите на училиштата сакаат младите луѓе да имаат поавтентични можности да зборуваат англиски. Некои училишта се обврзаа да обезбедат меѓународна размена. Ова бара ресурси, но програмата Еразмус+ им помага на училиштата да ги спроведат овие активности.