Како вештачката интелигенција може да им помогне на наставниците со формативно и сумативно оценување?

Во 2022 година, Европската комисија објави збир на етички упатства за едукатори за да се разјаснат популарните и широко распространетите заблуди за употребата на ВИ и податоците во образованието. ВИ нè охрабрува да ги преосмислиме традиционалната настава, практиките за учење и оценување, вклучително и улогата на наставниците. Сепак, постои загриженост и за потенцијално нарушувачките аспекти на ВИ, вклучувајќи го и нејзиниот потенцијал да ја замени личната работа на учениците во тестовите.

Образовното оценување има потенцијал позитивно да се збогати со вештачката интелигенција. ВИ може да ги поддржи наставниците во нивните административни одговорности и да им овозможи да се фокусираат на аспектите на нивната работа насочени кон учениците. УНЕСКО препорачува образовните чинители да бидат свесни за алатките и начините за оценување на ВИ , и да ги приспособат наставните програми за да ја интегрираат ВИ каде што придобивките јасно ги надминуваат ризиците.

Развојната улога на ВИ во оценувањето

Аналитичкиот извештај на NESET за практиките за оценување од 2017 година дефинира четири генерации на стратегии за е-оценување:

• 1-2: Компјутеризирано/адаптивно тестирање
• 3: Континуирано мерење
• 4: Вградено оценување, интелигентни мерења

Оценувањето со ВИ е во основата на оваа четврта генерација. Вграденото оценување комбинира формативно и сумативно оценување во процесот на учење. 

Тековни и идни стратегии за е-оценување. Извор: Извештај NESET / IPTS (Европска комисија)

ВИ ги менува практиките за оценување

Систематската проверка од 2021 година покажува дека повеќето истражувања за ВИ во оваа област се фокусираат на формативното оценување, на пр. давање непосредна повратна информација или автоматско оценување.. Студијата од 2020 година за користење на ВИ и за формативно и за сумативно оценување во курсот за наука за податоци покажа дека учениците што го користат системот за формативно оценување за тековно самооценување пријавиле повисоки оценки и подобро разбирање на аналитичките методи. Сумативните оценувања на наставниците со користење на автоматизираната алатка го намалија потрошеното време и ја зголемија точноста споредено со рачното оценување.