Книга на еТвининг: Градење благосостојба во училиштето

Овогодишната книга на еТвининг има цел да ги инспирира наставниците низ цела Европа да ја поддржат благосостојбата во училиштата. Во неа се презентирани проекти и активности кои се осврнуваат на физичката, менталната и емоционалната благосостојба, и на наставниците, и на учениците.

Преглед на содржината

Книгата ја истражува поврзаноста помеѓу еТвининг и благосостојбата на училиште.

Започнува со истакнување на важноста на развојот на благосостојбата онлајн, со експертски сознанија кои ја нагласуваат потребата наставниците и учениците критички да им пристапуваат на информациите. Исто така, се осврнува на европските политики и акции коишто сега, покрај училишниот успех, повеќе се фокусираат на промовирање благосостојба.

Потоа следат практични примери низ кои се прикажани успешни проекти на еТвининг, искуства на наставниците кои промовираат благосостојба на училиште и конкретни активности кои читателите може да ги приспособат на своите паралелки.

Содржина на приказните на еТвининг

Преку различните студии на случај, може да дознаете за:

• Иницијативите спроведени за промовирање физичка, ментална и емоционална благосостојба;
• Најчестите предизвици во промовирањето благосостојба на учениците и стратегии за справувањето со овие предизвици;
• Функционалностите на еТвининг кои им помагаат на наставниците да изградат инклузивни средини на соработка;
• Важноста на вклучувањето на родителите и други засегнати страни во создавањето позитивни училишни искуства за учениците.

За да дознаете повеќе, преземете ги приказните на еТвининг: Градење благосостојба во училиштето.                                         

Ајде да ги инспирираме наставниците да продолжат да ја интегрираат благосостојбата во нивните училници.