„Istituto Comprensivo Chignolo Po“ skólinn er á Norður-Ítalíu í Lombardy-héraðinu. Hann kennir börnum á grunnskólaaldri til fyrstu ára framhaldsnáms. 35% barnana eru af erlendum uppruna. Til að hvetja til inngildingar og vellíðunar hjá nemendum og starfsfólki, ásamt því að koma í veg fyrir brotthvarf úr skóla hefur skólinn tileinkað sér heildstæða nálgun að vellíðan og tekið virkan þátt í margvíslegum verkefnum um SEL.  

Skólinn tók þátt í nokkrum Erasmus+ verkefnum, meðal annars: 

• Learning to be: þróun aðferða og aðferðafræði til að meta félagslega, tilfinningalega og heilsufarslega hæfni í menntakerfum (2017-2020).
• PROMEHS: efling andlegrar heilsu í skólum (2020-2022).
• Teaching to be: stuðningur við vöxt kennara í starfi og á sviði félagslegs og tilfinningalegs náms (2021-2024).

Fyrir utan þessi verkefni tekur skólinn einnig þátt í LifeSkill, sem er skólaverkefni stutt af WHO og heilbrigðis- og menntamálaráðuneytum Ítalíu. Auk þess er skólinn með margvíslegar athafnir fyrir nemendur og kennara, svo sem „snjallt nesti“, pedibus, skólagarða og virkar frímínútur.