ჩვენს დროში წიგნიერების დონე არც ისე მაღალია. ბავშვების ცხოვრებაში კომპიუტერის დამკვიდრებამ მნიშვნელოვნად გაანელა ინტერესი წიგნის მიმართ. მოზარდები წიგნებს აღარ კითხულობენ, ბავშვების უმრავლესობა გაუცხოებულია წიგნთან. პროექტი აქტუალურია, რადგან ერთ-ერთი უმნიშვნელოვანესი უნარი, რომელსაც ბავშვები დაწყებით კლასებში იძენენ, კითხვის უნარია. ბავშვები ჯერ სწავლობენ კითხვას და შემდეგ კითხულობენ იმისთვის, რომ ისწავლონ. სწორედ ამიტომაც სასკოლო განათლების ერთ-ერთი უმნიშვნელოვანესი კომპონენტი მოსწავლეთა წიგნიერების განვითარების ხელშეწყობაა. სწავლების საწყის ეტაპზევე ყურადღება უნდა მიექცეს მოსწავლის კითხვის უნარის განვითარებას და კითხვისადმი პოზიტიური დამოკიდებულების ჩამოყალიბებას. ამიტომ წიგნიერების დონის ამაღლებასა და წიგნის პოპულარიზაციას დიდი მნიშვნელობა ენიჭება.