PISA 2022 u l-UE: tliet xejriet li jqanqlu t-tħassib
Il-Programm tal-OECD għall-Valutazzjoni Internazzjonali tal-Istudenti (PISA) ikejjel il-kompetenzi taż-żgħażagħ fil-ħiliet bażiċi: il-matematika, il-qari u x-xjenza. L-istudju tal-2022 involva 690,000 student, li jirrappreżentaw 29 miljun tifel u tifla li għandhom 15-il sena f’81 sistema edukattiva; il-pajjiżi kollha tal-UE ħlief il-Lussemburgu pparteċipaw, u r-riżultati tiegħu ġew ippubblikati f’Diċembru 2023.