Важноста на менторството во рамки на училишното образование е препознаена во политиките и практиките на ниво на ЕУ. На пример, во неодамнешната Препорака на Советот за Патеки кон училиштен успех се наведува дека програмите за менторство, вклучително колегијалното/врсничкото менторство, може да придонесат за подобри образовни исходи и социо-емоционална поддршка, особено за учениците од социо-економски маргинализирани средини или за учениците во ризик од слаби постигнувања.

Покрај тоа, во придружниот работен документ на службите се забележува дека одржаното, структурирано менторство, со утврдено време и можности за моделирање, практика, оценување, поддршка и повратни коментари од образовните стручни лица, претставува важен фактор за поддршка на студентите идни наставници во рамки на иницијалното образование на наставници и на нововработените наставници. Менторството може да им помогне подобро да ја разберат својата улога и да применуваат иновативни наставни техники и е тесно поврзано со благосостојбата на наставниците (уживање во работата, мотивација, самоефикасност и задржување на наставниот кадар).

Споделете ги своите размислувања преку оваа кратка анкета до 19 февруари 2023 година. Резултатите ќе бидат објавени на European School Education Platform.