КОМУНИКАЦИЈА: Во проекти од ваква природа, комуникацијата меѓу проектните партнери е од клучно значење, со редовни состаноци кои се неопходни за планирање на секоја фаза од развојот, како и дневна комуникација преку TwinSpace или друг сервис за испраќање пораки. За почеток, проектните партнери работат заедно за секој од нив да најде тема за секој месец од времетраењето на проектот. На пример, еден партнер треба да најде општа тема за ноември, друг партнер за декември, трет партнер за јануари, итн. Потоа, секој месец, сите партнери даваат свој придонес и споделуваат некоја активност поврзана со природните науки, технологијата, инженерството, уметноста или математиката. Овие активности потоа се собираат и во текот на тој месец, сите наставници и ученици се вклучуваат во истите активности. Без ова заедничко планирање, наставниците нема да можат да ги испланираат активностите затоа што плановите за активности зависат од секој партнер. СОРАБОТКА: Бидејќи учениците во овој проект се многу мали, процесот на соработка може да се оствари на малку поинаков начин; секоја паралелка ги истражува месечните активности на свој начин, а потоа соработуваат едни со други со гласање, на пример, за активноста која најмногу им се допаднала. Може да испратат и видеозаписи со нивни одговори на различните активности. Друга идеја би била сите паралелки да дизајнираат лого, а потоа секоја паралелка да гласа за логото кое најмногу им се допаѓа за да го претставува проектот. Примери за активности за секој месец може да се најдат на страницата на TwinSpace на оригиналниот проект. Како резиме на сите активности, може да се изработи завршен производ во кој ќе се прикажат, чекор по чекор, спроведувањето на проектот, фотографиите, видеозаписите и врските до она што учениците го сработиле за да им се помогне на другите деца да го постигнат истото. Овде е даден пример од оригиналниот проект каде е прикажана активност за еКнига полна со активности поврзани со S.T.E.A.M. Книга изработена од деца за деца.