1. Се одредуваат деновите во текот на кои ќе се спроведува анкетата. 2. Учениците работат во парови или во групи од по тројца. 3. Го избираат видот на медиум за којшто се заинтересирани: дневен весник, таблоид, телевизија (јавен или комерцијален сервис), радио или социјални медиуми. 4. Учениците избираат тема за којашто се заинтересирани (на пр. вести од земјата, вести од светот, црна хроника, спортски вести, вести од културата, итн.) 5. Групите се формираат врз основа на нивните интереси. Групите ги делат задачите помеѓу нив и известуваат за 3-5 најважни вести, како и за нивната главна содржина и перспектива. 6. Групите проверуваат и дали има некои вести достапни во партнерската земја. 7. Тие составуваат краток преглед којшто содржи извештај и скенирани или преземени слики од вестите. Краткиот преглед се објавува на TwinSpace во делот за материјали или во споделена папка на Google. Краткиот преглед може да се презентира во форма на постер, инфографик или презентација во PowerPoint или преку кој било друг медиум што учениците го сметаат за соодветен. Се формираат меѓународни групи (4–8 ученика). Овие групи вклучуваат претставници од сите земји. 8. Претставниците на различните земји ги презентираат своите извештаи/кратки прегледи, и се дискутира за разликите и за сличностите. Се размислува за причините за разликите. 9. Се презентираат примери на новински статии од партнерските земји. ----------- 10. Резултатите на сите групи се презентираат на заедничка онлајн средба (Teams, Adobe Connect...). ----------- 11. Ако соработката функционирала добро, проучувањето на темата може да продолжи со некоја од следниве активности. а. Изработка на заеднички онлајн весник со различни теми, статии и слики, дури и видеозаписи б. Проучување на феноменот на лажни вести во различни земји – Каде може да наидете на лажни вести? Како може да препознаете што е лажно, а што не? Како може да се заштитиме себеси од лажни вести? в. Дискусија за тоа што ќе се случи со печатените медиуми во иднина. г. Учениците ги истражуваат главните вести на телевизија, во дневните весници и на социјалните медиуми од изминатите четири недели. Кои стории биле најважни и/или најинтересни за учениците? Во кои од сториите главната улога ја имале деца и млади луѓе (12–18 години)? Генерално гледано, дали вестите кои се однесуваат на млади луѓе се главно негативни или позитивни? Зошто?