Има два аспекта што треба да се земат предвид во овој и во кој било друг проект. Првиот аспект е оценувањето на стекнувањето на знаењето и вештините од страна на учениците кои се вклучени во проектот, додека вториот е евалуацијата на самиот проект со цел да се увиди што функционирало добро, а што треба да се подобри во иднина. Преку различните предизвици кои се наметнуваат во текот на проектот се овозможува проверка на стекнувањето на знаењето и се задржуваат мотивацијата и вклученоста на учениците. Користењето на дигитални алатки и на платформата TwinSpace е од непроценливо значење за спроведувањето и завршувањето на проектот, но човечкиот контакт во форма на активни видео-конференции меѓу учениците и наставниците и понатаму е од суштинско значење, особено за задржување на мотивацијата и обезбедување помош за користење на дигиталните алатки на релевантен и промислен начин. Еден од главните начини за оценување на стекнувањето на знаењето и вештините е преку задавање задача на секој од учениците да изработи некаква презентација на материјалите изработени во рамки на проектот. Евалуација на проектот може да се изврши преку онлајн формулар којшто им се испраќа на учениците и на наставниците, а доколку е соодветно, и на родителите. Резултатите потоа се собираат и анализираат за да може да бидат земени предвид при проверката и анализата на проектот. Дисеминација на проектот и на неговите резултати – Веб-страницата на секоја од установите – Социјалните мрежи: YouTube, Facebook, блогови ... (види страница за дисеминација на Twinspace) – Предизвикот на музејот „Гети“ (Getty) овозможи дисеминација на проектот и вклучување на сите ученици и образовни тимови од различните установи – Учеството во натпреварот и на други ученици, коишто не беа директно вклучени во проектот, овозможи проектот и еТвининг да станат многу познати во различните училишта.