Евалуацијата се спроведуваше со помош на алатки за изработка на онлајн прашалници, како што се Microsoft, Google forms или Survey Monkey, и овие анкети може да се користат за различни аспекти од проектот, и со наставниците, и со учениците. На пример, од нив може да биде побарано да ја оценат нивната омилена активност и да се осврнат на она што сметаат дека го научиле. И родителите може да бидат анкетирани за да ги изнесат нивните ставови за вклучувањето на нивното дете во проектот. За презентирање на резултатите од ваквите евалуации, најдобро е да се напише кратко резиме за наодите, односно што функционирало добро, што би можело да се подобри, итн., наместо само да се копираат и залепат резултатите од анкетата. Оценувањето може да се врши на повеќе начини во зависност од возраста на учениците. За оние ученици кои се многу мали, во оваа верзија на проектот наставниците изработија работен лист во кој учениците требаше да ги нацртаат дрвјата и животните од нивната околина. На крајот од проектот, тие подготвија друг работен лист и побараа од нив повторно да ги нацртаат дрвјата и животните од нивната околина. Оваа активност може да биде проширена и да ја вклучува околината на партнерското училиште или кој било друг дел од светот што бил спомнат во рамки на проектот. Вториот пат би требало да се добијат многу побогати информации. Во однос на поголемите ученици, може да побарате од нив на крајот од проектот да го изберат нивното омилено старо дрво и место, а потоа тие може да се послужат со некој од ресурсите на readwritethink.org за да го образложат својот избор.