Иако има се повеќе научни докази за придобивките од ВИ за развојот на децата, истовремено расте и загриженоста за ризиците кои настануваат во однос на фундаменталните права на децата. За да се ублажат овие ризици, институциите задолжени за креирање политики увидоа дека е потребен координиран пристап фокусиран на децата со цел промовирање на правата на децата при осмислувањето, развојот и користењето на ВИ за деца.

Во јуни 2022 година, Заедничкиот истражувачки центар на Европската комисија го објави својот Извештај за научна работа за потребите на политиките посветен на Вештачката интелигенција и правата на детето: кон интегрирана агенда за истражување и политика. Овој извештај дава преглед на актуелните иницијативи за политики за ВИ и за права на детето, како и ги проверува научните докази во однос на три примени: агенти за конверзација, системи на препорачувачи и роботички системи. Потоа следи презентација на резултатите од низа работилници со деца, креатори на политики и експерти во полето. Извештајот завршува со сет препораки, методи и идентификувани пропусти во знаењето по кои треба да се постапи во иднина.