Skip to main content
European School Education Platform
Practice video

Поддршка на новодојдените ученици бегалци

Во 2022 година, училиштето бр. 361 во Варшава, Полска, имаше голем прилив на ученици бегалци од Украина. Во ова видео ќе научиме како училиштето ги пречека овие ученици и им помогна да го научат полскиот јазик, да соработуваат со своите нови врсници и што е најважно, да се чувствуваат безбедно.
General visual - Practice video

 

Училиште, број 361 во Варшава, едно од најновите училишта во Варшава. Во последните шест месеци, училиштето го прими веројатно најголем број украински бегалци од различни делови на земјата зафатена со војна. Пред распустот, прифативме повеќе од 200 ученици кои мораа да побегнат од областите со војна. Нашата идеја во овие први месеци беше да ги сместиме на безбедно место, да им обезбедиме безбедно место, не неопходно да учат, туку основно да преживеат. По распустот, ситуацијата драматично се смени, излезе дека 80% од учениците решиле да останат тука во Полска со месеци, можеби и со години. Сега нашата задача е сосема поинаква. Таа не е само безбедност, туку и интеграција во полскиот образовен систем.

 

Ни се јавија различни идеи како да им обезбедиме соодветен процес на учење. Една од идеите е да се одржат подготвителни часови, часови кои ќе им обезбедат основно знаење на полскиот јазик, што е почеток за стекнување диплома со посетување на нашето образование. Додека на почетокот улогата на културен асистент е непроценлива, работејќи на овој час треба да најдете момент кога ќе речете „доволно“ и ќе го преместите културниот асистент малку понастрана од таква директна работа во училницата доделувајќи им разни други задачи така што децата природно ќе почнат да го користат полскиот јазик. Ние тука воопшто не сакаме да ги отсечеме од нивната култура, традиција и историја. Тоа апсолутно не е нашата намера. Децата кои се вклучени во традиционалните одделенија, затоа што ние исто така имаме такви деца, се дефинитивно подобри во учењето на полскиот јазик, бидејќи најголем дел од нив беа во подготвителното одделение минатата година.

 

На крајот на годината, тим на наставници препорача овие деца да бидат сместени во традиционалните одделенија, бидејќи нивната способност да го користат полскиот јазик веќе беше доволно добра и, според нашето мислење тие многу добро се прилагодија во овие одделенија, добро им оди таму.

 

Друга идеја е да се стават поединци во полски одделенија. Но со овие бројки, а зборуваме за десетици ученици, тоа е едноставно невозможно. Затоа воведовме потполно нова идеја за мултикултурни одделенија. Тоа се одделенијата кои вклучуваат од 30 до 50% Украинци, и идејата излезе дека е целосна револуција. Излезе дека учениците што се во тие одделенија можат да комуницираатна полски, англиски и на украински, и тие се способни не само за интеграција во полскиот образовен систем, туку исто така да донесат нешто поразлично во овој полски систем. Значи ние не само што ги интегрираме нив во системот, туку и ние се интегрираме, потполно се интегрираме со нив. Ние создаваме нов систем на образование, всушност, заеднички полско-украински образовен систем.

 

Покрај типичните образовни активности во кои учествуваат децата, исклучително е важно, според нас оние на кои им е потребна дополнителна помош да добијат таква поддршка во форма на воннаставни активности. Понекогаш има дополнителни часови по полски јазик, бидејќи секој ученик кој доживеал миграција има право на такви часови според закон, т.е. два часа неделно дополнителни часови по полски јазик. Ова е исто така друг аспект на помагање на децата од Украина да воспостават односи со полските деца за да се чувствуваат безбедно тука. За да почнат да го сметаат ова училиште, да речеме, како нивен втор дом. Можеби е преголем збор, но се надеваме дека тие се чувствуваат безбедно тука, смирени, да знаат дека можат да сметаат на помош од сите страни.

 

Additional information

  • Education type:
    School Education
  • Evidence:
    N/A
  • Funding source:
    N/a
  • Intervention level:
    N/A
  • Intervention intensity:
    N/A
  • Participating countries:
    Poland
    Ukraine
  • Target audience:
    Government / policy maker
    Head Teacher / Principal
    Student Teacher
    Teacher
    Teacher Educator
  • Target audience ISCED:
    Primary education (ISCED 1)
    Lower secondary education (ISCED 2)
    Upper secondary education (ISCED 3)

Tags

Inclusion
Language learning
Migrant students

Key competences

Citizenship
Cultural awareness and expression
Multilingual
Personal, social and learning to learn
Social and learning