Заедничкиот истражувачки центар и Instituto Superior de Educação e Ciências во Лисабон неодамна објавија студија со детали за тоа како социо-економски загрозените ученици биле несразмерно погодени од недостатокот на учење за време на затворањата на училиштата.

Сепак, психолошкото влијание на пандемијата не може да се занемари. Неодамнешниот извештај на Европската Комисија го прикажува влијанието на КОВИД-19 врз менталното здравје на младите и ги истражува мерките на политиките што се спроведувале низ ЕУ за да ја поддржат нивната благосостојба.

Мерките за карантин извесно ги влошиле чувствата на осаменост, стрес, анксиозност, депресија и изолација меѓу младите додека се мачеле да се снајдат со „новото нормално“ на одржување онлајн настава поради кризна состојба. Прекумерното време поминато на екраните доведе до зголемување на кибер-малтретирањето на платформите на социјалните медиуми и до продолжена изложеност на медиумското покривање на пандемијата што дополнително ги влошуваше чувствата на вознемиреност.

Во Луксембург, анкета спроведена од Министерството за образование, деца и млади откри дека голем дел од младите, особено девојчињата, постарите адолесценти и социо-економски обесправените млади, доживеале значителен пад на задоволството од животот меѓу 2019 и 2020 год.

Извештајот на комисијата наведува дека продолжените периоди на изолација веројатно ќе имаат долготрајни ефекти врз менталното здравје на младите и ќе влијаат на нивното образование, вработување и социјална инклузија.

Во иднина, еден сеопфатен училишен холистички пристап за благосостојба може да помогне да се ублажи вознемиреноста кај учениците и да се изгради издржливост. Земјите членки реагираа проактивно со обезбедување на услуги за психолошка поддршка на конкретни целни групи, вклучувајќи ги младите од маргинализирани групи, имигранти и ЛГБТКИА+ младината.Одржувањето на овие услуги за поддршка и зајакнувањето на интервенциите во младинската работа, спортот и слободното време е од клучно значење за поттикнување на писменоста за менталното здравје кај младите луѓе и за поддршка на нивната благосостојба.