Hvernig bæti ég það sem ég er að gera? Starfendarannsóknir sem leið til að efla fagþróun kennara

Tutorials

13 desember 2021

Hvernig bæti ég það sem ég er að gera? Starfendarannsóknir sem leið til að efla fagþróun kennara

Starfendarannsóknir gera kennurum kleift að læra meira um starfshætti sína í kennslustundum, auðga kennslufræðilega efnisskrá sína og skoða hvernig þeir kenna. Með starfendarannsóknum getur viðhorf kennara, fagleg sjálfsmynd þeirra og sérfræðiþekking þroskast um leið og þeir skoða þarfir sínar í sínu eigin samhengi.

Hvað er starfendarannsókn?

Starfendarannsóknir í kennslustofunni eru öðruvísi en aðrar rannsóknir að því leyti að þær henta sérstaklega kennurum sem vilja skoða starfshætti sína, leysa vandamál og koma með gagnreyndar úrbætur á eigin starfshætti og aðstæður. Þær fela í sér kerfisbundnar athuganir og gagnasöfnun, sem síðan er hægt að nota til að taka upplýstar ákvarðanir og grípa til markvissari aðgerða. Þær eru því taldar öflugt verkfæri fyrir fagþróun kennara.

Hver eru einkenni starfendarannsókna?

Starfsendarannsókn er hagnýt, íhugul og endurkvæm. Þessir eiginleikar eru venjulega sýndir í spíral sem gefur til kynna samfellda hreyfingu á milli skipulags, athafna, athugana, íhugunar og svo framvegis.

Rannsóknarferlið er hagnýtt að því leyti að það hefur samstundis ávinning fyrir kennara, skóla og skólaumdæmi.

Íhugunarþáttur rannsóknarinnar liggur í því að starfendarannsakandinn einblínir á eigin kennslustofu, skóla eða starfshætti.

Að lokum eru starfendarannsóknir endurkvæmar vegna þess að starfendarannsakandinn skoðar sífellt vandamál og annað sem kemur upp.

Hverjar eru þrjár gerðir starfendarannsókna?

Samkvæmt Carr og Kemmis getur starfendarannsókn verið á þrjá eftirfarandi vegu:

Tæknileg starfendarannsókn: Vísar til tilvika þar sem utanaðkomandi leiðbeinendur (svo sem fræðimenn, vísindamenn og stofnanir) vinna með kennurum og öðrum við að koma á fót kennararannsóknarverkefnum. Markmiðið er að kennarar kynni sér árangursríka starfshætti þar sem leiðbeinandinn kynnir viðmiðið um „árangur“. Til dæmis geta kennarar ákveðið að prófa niðurstöður ytri rannsóknar á sínum eigin starfsháttum, sem gæti leitt til þess að niðurstöður úr þessum prófum færast inn í ytri rannsóknir í stað kennsluhættina sjálfa.
Hagnýt starfendarannsókn: Vísar til tilvika þar sem utanaðkomandi leiðbeinendur vinna með kennurum og öðru starfsfólki til að hjálpa þeim að setja áhyggjur sínar í orð, skipuleggja aðgerðir sínar, innleiða breytingar, fylgjast með áhrifum þessara breytinga og íhuga gildi þeirra. Þótt leiðbeinendur geti unnið með kennurum að almennum vandamálum, eiga kennararnir að fylgjast með starfsháttum sínum og móta verklega dómgreind sína sem einstaklingar. Með öðrum orðum er engin markviss þróun á iðkendahópnum sem samfélag.
Frjáls starfendarannsókn: Vísar til tilvika þar sem kennarar taka ábyrgð á því að aðstoða hópinn sinn, eins og nemendur eða samstarfsfólk, með sameinaðri sjálfsígrundun. Allur skólinn getur tekið þátt á ákveðnum sviðum í að ákvarða nálgun á samskipti í kennslustofunni – til dæmis með því að tileinka sér almennar námsmatsvenjur. Þessi nálgun er opin og eflir samstarf, en krefst skilnings á díalektískum tengslum á milli ábyrgðar einstaklings og hóps. Hægt er að líta á frjálsa starfendarannsókn sem næsta skref í hagnýtum starfendarannsóknum.

Starfendarannsóknir eru hagnýtar rannsóknir sem hægt er að gera hverja fyrir sig eða í samvinnu. Starfendarannsóknir í samvinnu eru skilgreindar sem kennarar og rannsakendur sem vinna saman að rannsóknum á sameiginlegum hagsmunum.

Oft er litið á starfendarannsóknir frekar sem nálgun en sem aðferð, því þær geta byggt á fjölbreyttri hönnun og aðferðafræði. Sérstaklega geta starfendarannsóknir beitt bæði eigindlegum og megindlegum aðferðum við söfnun gagna. Jafnvel þó umfangið sé ólíkt nota kennarar eða kennarahópar báðar tegundir gagna við söfnun efnis og til að veita svör við spurningum sínum. Þess vegna ætti að nota öfluga aðferðafræði sem miðar að vísindalegum og siðferðilegum rannsóknarstöðlum.

Ef þú hefur áhuga á að vita meira geturðu

sent inn umsókn fyrir væntanlegt tilraunanámskeið um starfendarannsóknir í kennslustofunni