Hvernig getur skólamenntun hvatt til þátttöku ungs fólks?
Að skilja þátttöku ungs fólks
Þátttaka ungs fólks er hvernig ungt fólk á samskipti við stofnanir og tekur þátt í ákvarðanatökuferlinu sá bakvið málefni sem hafa áhrif á framtíð þeirra. Samkvæmt Voices of Youth er þátttaka ungs fólks risastórt regnhlífarhugtak sem nær yfir hvers kyns baráttu. Þar að auki eru mismunandi þátttökustig, eins og sést á myndskreytingu Rogers Hart af þátttökustiga barna.
Myndskreyting af þátttökustiga barna úr ritgerð Harts, Children’s Participation: From Tokenism to Citizenship
Þrátt fyrir að þátttaka sé grundvallarréttindi og forgangsatriði á dagskrá Evrópusambandsins um æskulýðsmál tók Petr Franc, stjórnarmaður hjá OBESSU, fram að sum börn og ungmennahópar hafa ekki tilhneigingu til að taka þátt í stefnumótunarferli. Getur verið að takmarkaður skilningur á félags- og pólitískri dýnamík hindri þátttöku ungs fólks?
Hvers vegna er mikilvægt að virkja ungt fólk?
Efling menntunar í borgaravitund hefur nýlega rutt sér til rúms vegna sífellt útbreiddari félags- og efnahagstengdra vandamála og skorts á trausti á lýðræðislegum ferlum.
Eurydice-skýrslan um menntun í borgaravitund í evrópskum skólum (2018) undirstrikar það grundvallarhlutverk sem borgaraleg menntun gegnir við að virkja nemendur og undirbúa þá fyrir hlutverk sitt sem virkir borgarar, og útskýrir hvernig hægt sé að ná þessu með skipulagi námskrár og námsefnis.
Að sama skapi sýnir CIDREE árbókin 2019 að nálgun með rödd nemenda getur stutt ungt fólk á áhrifaríkari hátt við að verða virkir nemendur, samanborið við kennarastýrða nálgun. Nemendur sem hafa sjálfræði í námi sínu eru áhugasamari og hafa meiri ánægju að náminu. Þar að auki mun endurnýjað traust þeirra á að rödd þeirra heyrist líklega leiða til þess að þeir hafi meiri áhrif á pólitíska þróun í sínum samfélögum.
Efling á þátttöku ungs fólks í þinni skólastofu
Bandarísku bókasafnssamtökin leggja áherslu á að „sjálfræði nemenda er ekki eitthvað sem er hægt að veita í litlum skömmtum og aðeins í föstum kennslustundum … Til að virkja sjálfræði nemenda þarf það að ná yfir alla þætti í upplifun nemenda.“ Til að forðast að ofhlaða áfangana þína gætirðu íhugað að innleiða lýðræðismenningu í gegnum námskrána, kennslu og stjórnun – að fordæmi þessara skóla í Tyrklandi – frekar en að kenna einfaldlega um stjórnarhætti, stjórnmál og lýðræði. Önnur dæmi um unga evrópska borgara í verki sýna fram á kosti þess að taka með lýðræðislega þátttöku í kennslustofunni.
Á þessu vefnámskeiði fjallar Isabelle De Coster um nýstárlega kennsluaðferðafræði sem hvetur til þróunar á félagslegri og borgaralegri hæfni og stuðlar að jöfnuði, félagslegri samheldni og virkri borgaravitund.
Verkfæri sem styrkja virka borgaravitund
Bæði School Education Gateway og vettvangurinn Evrópuár ungmenna 2022 hafa ýmis úrræði um menntun í borgaravitund og fjalla um mismunandi þætti efnisins. WeAreEurope útlistaði ramma fyrir lykilborgarahæfni (2016) til að greina aðferðir við menntun í borgaravitund í opinberum námskrám aðildarríkja ESB og auðkenna mikilvægustu færnina sem ríkisborgari í ESB. Þar sem litið er á börn og nemendur sem fulltrúa félagslegra breytinga hannaði FS2C verkefnahópurinn ennfremur handhæga handbók (2014) til að hjálpa kennurum að ráðleggja nemendum í starfi sínu utan kennslustofunnar, í samræmi við Child-to-Child nálgunina; nálgun þar sem barnið fær að leiða í sínu námi.
Að auki býður verkfærasettið fyrir þátttöku ungs fólks í Just Transition Fund (2021) upp á ráð um hvernig hægt er að virkja ungt fólk á skilmerkilegan hátt, ásamt því að sýna raunhæfar aðferðir og tækni til að virkja þátttöku ungs fólks. Spennandi hugmyndir um hvernig eigi að virkja og fræða nemendur á öllum grunnskólastigum er einnig að finna í EU Learning Corner.
Á þessu vefnámskeiði um menntaaktívisma veitir Rares Voicu – aðgerðarsinni fyrir skólanemendur og stjórnarmaður hjá OBESSU – innsýn í hvernig kennarar geta gert ungu fólki kleift að segja hug sinn og berjast fyrir réttindum sínum, hvort sem það er á pólitískum vettvangi eða á ákvarðanastigi skólans.
Langar þig að færa borgaramenntun inn í þína skólastofu?
Frekari tilföng:
https://erasmus-plus.ec.europa.eu/programme-guide/part-b/key-action-1/youth-participation
https://www.schooleducationgateway.eu/is/pub/latest/practices/debateville-ket-en-co.htm
https://www.schooleducationgateway.eu/is/pub/latest/news/jean-monnet-for-schools.htm