Kastljós á Pathways to School Success á fimmtu evrópsku menntaráðstefnunni
Heiti ráðstefnunnar var „Bright Young Minds“ og gaf fulltrúum ungmenna tækifæri til að leggja sitt af mörkum til pallborðsumræðna. Helstu viðfangsefnin voru inngilding og vellíðan í menntun, umbætur á seiglu menntakerfa og að veita ungu fólki þá færni sem nauðsynleg er til að ná stafrænum og grænum umskiptum. Einnig var aðlögun nemenda frá Úkraínu að menntakerfum í aðildarríkjum ESB ofarlega á baugi.
„Pathways to School Success“, sem er forystuverkefni Evrópska menntasvæðisins, var þungamiðja umræðunnar. Verkefnið miðar að því að stuðla að betri námsárangri fyrir alla nemendur, óháð persónulegum aðstæðum eða fjölskyldu-, félagshagfræðilegum og menningarlegum bakgrunni. Aðgerðir eru meðal annars að draga úr lökum námsárangri í grunnfærni og auka námsárangur á unglinga- og framhaldsstigi.
Pallborðsumræður einblíndu á mikilvægi þess að skoða menntun á heildrænan hátt, sameina þátttöku, árangur og vellíðan í skólum og þörfina fyrir kerfisbundnar nálganir á öllum stigum til að auka möguleika nemenda á árangri í skóla og í vinnu. Samstaða var um að þörf sé á nálgun kerfis og skóla í heild sinni, þar sem allir hlutaðeigandi hagsmunaaðilar (nemendur, kennarar, foreldrar, skólar, sveitarfélög o.s.frv.) taki virkan þátt í ákvarðanatökuferlinu. Einnig þarf að forgangsraða vönduðu grunnnámi og símenntun fyrir kennara.
Í lokaorðum ráðstefnunnar lagði Mariya Gabriel, framkvæmdastjóri á sviði nýsköpunar, rannsókna, menningar, menntunar og æskulýðsstarfs, áherslu á mikilvægi þess að vinna saman og deila sérfræðiþekkingu til að ná sameiginlegum markmiðum.
Hægt er að horfa aftur á ráðstefnuna eða lesa skýrsluna í heild sinni á síðu viðburðarins.
Einnig er hægt að fylgjast með áhugaverðum samræðum um þetta efni á Twitter undir myllumerkinu #EduSummitEU.
Additional information
-
Education type:School Education
-
Target audience:Government staff / policy makerHead Teacher / PrincipalTeacher