Verðlaunaafhendingin fagnar sigurvegurum eTwinning verðlauna í sex flokkum og var í höndum Irene Pateraki. Cecile Le Clerq, yfirsérfræðingur hjá eTwinning, Micheal Teutsch, deildarstjóri hjá mennta- og menningarmálum og Florence Mondin, deildarstjóri hjá DG EACEA voru einnig viðstödd til að veita sigurvegurum verðlaun sín og óska þeim til hamingju. Allir gestgjafar lögðu áherslu á hversu hrifnir þeir voru af því hvernig sigurvegararnir settu nemendur í miðju námsferlisins.

Þeir  bentu einnig á hvernig kennarar forgangsröðuðu vinsælum viðfangsefnum, eins og loftslagsbreytingar og upplýsingafölsun, sem regluleg viðfangsefni í verkefnum sínum. Þegar Mondin veitti verkefninu sem lenti í öðru sæti í 12-15 ára aldursflokknum sagði hún: „Við heyrðum um gagnkvæma virðingu, skilning, teymisvinnu; þetta er einmitt það sem eTwinning verkefni eru ætluð til.“ 

Aldursflokkur 0 - 6 ára:
Sigurvegari – STEAM Preschool Academy: Þátttakendur sigurverkefnisins voru kennarar og nemendur frá Eistlandi, Grikklandi, Slóvakíu, Spáni og Tyrklandi. „Í verkefninu lærðu nemendur okkar að búa til ævintýri með öðrum börnum. Við skrifuðum sögurnar saman og forrituðum vélmennin eftir það,“ útskýrði kennarinn Jelena Rattik frá Eistlandi. Nemendur sögðu einnig að þeim fannst gaman að læra með nemendum frá öðrum löndum. Nemandi frá Eistlandi sagði að hann lærði að „eignast vini með vinum.“ 

Í öðru sæti – Engineers of the Ecosystem: Þátttakendur voru kennarar og nemendur frá Póllandi, Tyrklandi og Spáni og miðar Engineers of the Ecosystem að því að efla vitund nemenda á „framkvæmdum í sátt við náttúruna“. Þættir verkefnisins voru meðal annars að endurhanna hýbýli dýra og búa til vistvæn heimili fyrir nemendurna sjálfa. Ayfer Ekiz, kennari frá Tyrklandi, segir að verkefnið hafi gert nemendum kleift að „vinna saman að sameiginlegum málstað og kynnast öðrum löndum.“

Aldursflokkur 7 - 11 ára:
Sigurvegari – eTwinners as Pros: Í þessu verkefni voru þátttakendurnir nemendur og kennarar frá Króatíu, Grikklandi og Spáni og miðaði það að því að kynna nemendur fyrir ýmsum starfsmöguleikum. Sara, eTwinning nemandi frá Króatíu, sagði: „Í eTwinning bekk hitti ég nýtt fólk frá öðrum löndum.“ Fjölmiðlalæsi var einnig lykilþáttur verkefnisins; nemendur undirbjuggu jafningjanám um hvernig eigi að vera góður, stafrænn borgari. 

Í öðru sæti – Around the World with Friends: Í þessu verkefni lærðu nemendur frá Póllandi og Spáni um UT og ensku með því að nota bók Jules Vernes „Umhverfis jörðina á 80 dögum“. Meðan nemendurnir lásu bókina unnu þeir ekki aðeins að því að bæta enskukunnáttu sína heldur lærðu þeir einnig um landafræði og staðreyndir um ný lönd. Aimar, nemandi frá Spáni, sagði eftirfarandi um vinnu með nemendum frá öðrum löndum: „Þau kenndu okkur siði sína, menningu og við lærðum að virða aðrar skoðanir.“ 

Aldursflokkur 12 - 15 ára: 
Sigurvegari – The DISCONNECT: Þátttakendur sigurverkefnisins voru kennarar og nemendur frá Georgíu, Spáni, Þýskalandi og Ítalíu. Nemendur lásu og rýndu í bókina The Disconnect eftir Keren David. Nemendur spjölluðu á umræðusvæðum til að auðvelda umræður um viðburði í hverjum kafla. Nemendur segja að eitt það mikilvægasta sem þeir lærðu var að „opna og sjá hina hliðina.“ 

Í öðru sæti – On The Edge: Í þessu verkefni voru þátttakendur kennarar og nemendur frá Finnlandi, Grikklandi, Póllandi, Portúgal og Rúmeníu og miðaði það að því að tengja nám við raunheiminn. Verkefnið raðaði nemendum í alþjóðlega hópa þar sem þeir unnu að tilraunum og hlustuðu á fyrirlestra frá sérfræðingum. Einn nemandi sagði að munurinn á venjulegum bekk og eTwinning bekk væri „samstarfið á milli nemenda og kennarans.“ 

Aldursflokkur 16 - 19 ára:
Sigurvegari - eTw T-R-A-I-N: Nemendur frá Austurríki, Króatíu, Tékklandi, Grikklandi, Ungverjalandi, Ítalíu, Póllandi og Spáni tóku þátt með því að fara með eTw-lest um Evrópu. Nemendum var skipt í alþjóðlega, 10 manna hópa og hver hópur einblíndi á mismunandi viðfangsefni. Fyrir utan að spila leiki tóku nemendur einnig þátt í áskorunum, eins og að búa til falsfréttanema. „Það var mikil samvinna í verkefninu því við fengum að skiptast á skoðunum við aðra nemendur,“ sagði Ainara, nemandi frá Spáni. 

Í öðru sæti – A Speech Which can Reach: Þátttakendur í verkefninu voru nemendur frá Króatíu, Ítalíu, Slóvakíu og Tyrklandi og snerist það um að bæta ensku- og rökræðufærni nemenda. Nemendur völdu rökræðuefni og undirbjuggu sig saman. Þeir gerðu rannsóknir og gerðu staðreyndarmat á heimildum. Nemendur sögðust ekki aðeins skilja muninn milli mismunandi menningarheima, heldur einnig „hvað við eigum öll sameiginlegt, gildin og hugmyndirnar um lýðræði og þess háttar.“ 

Iðnskóla- og starfsmenntaflokkur: 
Sigurvegari – Solutions Against Greenhouse Effect (SAGE): Að þessu tveggja ára Erasmus+ verkefni stóðu nemendur og kennarar frá Frakklandi og Slóveníu og einblíndu þeir á orsök og afleiðingar gróðurhúsaáhrifanna. Þeir könnuðu til dæmis staðreyndir um veðurbreytingar í löndum sínum. Seinna unnu þeir í hópum til að rannsaka hugsanlegar lausnir á loftslagsbreytingum. Verkefninu lauk með því að nemendur bjuggu til sín eigin gróðurhús. 

Við óskum öllum sigurvegurum til hamingju, í gegnum þessi verkefni er hægt að sjá hvernig eTwinning undirbýr nemendur fyrir áskoranir sem þeir munu standa frammi fyrir í framtíðinni.

„Það verður alltaf að hafa í huga að það sem er mikilvægt, það sem er verðmætt er að eTwinning er hið stóra tækifæri sem þú gefur nemendum þínum til að hittast, deila evrópskum gildum og að vinna saman og búa til sameiginlega útkomu með jafningjum sínum,“ sagði Irene Pateraki, kennslustjóri.