Sa bhliain 2022, eagraíodh dhá ghlaoch ar pháipéir agus glaoch ar phiarmheasúnóirí seachtracha le tús a chur leis na hullmhúcháin don rannán nua a bhaineann leis an taighde amháin. Bhí próiseas eagarthóireachta agus piarmheasúnaithe dian i gceist do na páipéir ar fad a roghnaíodh. Tá achoimrí feidhmeacha na n-alt a foilsíodh ar fáil in 29 teanga agus tá na páipéir ar fad ar fáil i bhfoirm PDF i mBéarla.

Toradh an chéad ghlaoch ar pháipéir

Díríodh an chéad ghlaoch ar thaighdeoirí luathghairme agus ar mhic léinn máistreachta. Bhain na topaicí le téama bliantúil eTwinning ‘Ár dTodhchaí, Álainn, Inbhuanaithe, le Chéile: Scoileanna agus an Bauhaus Eorpach Nua’. Chuir na húdair ar roghnaíodh iad a gcuid saothar i láthair ag Comhdháil Bhliantúil 2022 ‘eTwinning for Future Teachers’. Seo na páipéir a roghnaíodh:

• TFC in aistriú digiteach an oideachais i scoileanna i nDeisceart na Spáinne i gcomhthéacs na foghlama iarphaindéime (ICT in the digital transformation of education in schools in Southern Spain in the context of post-pandemic learning) (Julia Gracia Ordóñez)
• Treoir do mhúinteoirí an todhchaí maidir leis an dea-chleachtas i gcur chuige STEAM i dtionscadail eTwinning (Best practice guide of STEAM methodology in eTwinning projects for future teachers) (Katarzyna Sieińska & Tomasz Ordza)

Dhírigh an dara glaoch ar obair a thuairiscigh torthaí eimpíreacha bunaithe ar thaighde gníomhaíochta ó ghníomhaíocht ar bith scoilbhunaithe nó rangbhunaithe. Bhí sé dírithe ar mhúinteoirí agus ar mhúinteoirí faoi oiliúint go háirithe. Seo na páipéir a roghnaíodh:

• Amharc-ealaín i seomraí ranga an Bhéarla mar Theanga Iasachta: Taighde gníomhaíochta beag i mbunoideachas na Gréige (Visual arts in the English as a Foreign Language classrooms: A small scale action research in Greek primary education) (Angeliki Charalampous & Martha Christopoulou)
• eTwinning i dteagasc múinteoirí na hAirméine sa Bhéarla mar Theanga Iasachta agus cleachtais foghlama scoláirí i bhfianaise scileanna an 21ú haois (eTwinning in Armenian English as a Foreign Language teachers’ teaching and students’ learning practices in the light of 21st century skills) (Sona Adamyan)
• Eispéireas oideolaíochta maidir le curaclam Oideachais Saorántachta idirdhisciplíneach agus fadama a bhunú: cás-staidéar san Iodáil (A pedagogical experience for building interdisciplinary and longitudinal curricula of Civic Education: a case study in Italy) (Lucia Bombieri, Stefania Solazzo & Alessandra Trevisan)

Na chéad chéimeanna eile in 2023

Sa bhliain 2023, eagrófar glaoch nua ar pháipéir agus déanfar nuashonrú ar an rannán le níos mó ábhar. Beidh naisc ann do dheiseanna forbartha gairmiúla agus eolas faoi thacar sonraí an ardáin a bheidh ar fáil do thaighdeoirí, etc.