Ky projekt synon të zhvillojë aftësitë e leximit kuptimor dhe ta shndërrojë leximin në një mjet për rritje personale dhe qytetari aktive. Përmes pesë strategjive të leximit me role — Parashikuesit, Detektivet, Raportuesi, Kauboji dhe Artisti — nxënësit do të mësojnë të mendojnë në mënyrë kritike, të kuptojnë thellë tekstin dhe të shprehin idetë e tyre në mënyrë krijuese. Ata do të lexojnë si tekste fantazie (tregime, fabula, poezi) ashtu edhe tekste faktike (artikuj informues, historikë ose shkencorë), duke punuar në grupe vendase dhe ndërkombëtare. Nëpërmjet analizës, krijimit dhe ndarjes së produkteve digjitale, nxënësit do të forcojnë aftësitë jetësore si komunikimi, bashkëpunimi, empatia, kreativiteti dhe qytetaria digjitale. Në fund të projektit, nxënësit do të bashkëkrijojnë një libër digjital ndërkombëtar “Heronjtë e të lexuarit për jetën”, që do të përmbledhë punimet më të mira dhe reflektimet e tyre mbi mënyrën se si leximi ndihmon në formimin e qytetarëve aktivë dhe të vetëdijshëm.