პროექტი განკუთვნილია დაწყებითი და საბაზო საფეხურის მოსწავლეებისთვის. დღეს-დღეობით მსოფლიოში ერთ-ერთ აქტუალურ საკითხს წარმოადგენს ნარჩენების მართვასთან დაკავშირებული პრობლემები. იქ სადაც უამრავი ადამიანი ცხოვრობს, როგორც საყოფაცხოვრებო, ისევე სამრეწველო ნარჩენები უზარმაზარ მასშტაბებს აღწევს. ნაგავსაყრელები იკავებენ მიწის საკმაოდ დიდ ფართობს, აბინძურებენ ნიადაგს, ატმოსფეროსა თუ წყლის რესურსებს, რაც, ხშირ შემთხვევაში, სხვადასხვა დაავადებებისა და ეპიდემიების გამომწვევი მიზეზია. შესაბამისად, საჭიროა ნარჩენების მართვასთან სწორი მიდგომა, რათა უამრავი პრობლემა ავიცილოთ თავიდან. შესაბამისად, ჩვენც მცირე წვლილი შევიტანოთ ამ გლობალური პრობლემის მოგვარებაში.